Shfaqja në stadiumin ”Dodger” përfundoi pjesën e fundit të turneut të madh të Elton John me titullin “Farewell Yellow Brick Road” në Amerikën e Veriut, sipas rollingstones.com.
Për lamtumirën e tij të madhe, John doli të dielën në skenë me një veshje që të kujtonte uniformën vezulluese të bejsbollit që kishte veshur që në vitin 1975 dhe këndoi 24 këngët më të mira të karrierës.
Në nisje të koncertit, John mirëpriti Dua Lipan në mënyrë që të performonin bashkëpunimin e tyre, “Cold Heart”, i cili përfshin elemente të katër këngëve të John si “Rocket Man”, “Sacrifice”, “Kiss the Bride” dhe “Where’s the Shura?”
Së bashku me Dua Lipën, John solli edhe këngëtaren Kiki Dee, në mënyrë që dyshja të mund të performonin duetin e tyre të mrekullueshëm të vitit 1976 “Don’t Go Breaking My Heart”.
Dhe Brandi Carlile gjithashtu doli në skenë për një interpretim të “Don’t Let the Sun Go Down On Me”.
Me përfundimin e turneut të tij në Amerikën Veriore “Farewell Yellow Brick Road”, John tani do t’i vendosë synimet e tij në vitin 2023, gjatë së cilës ai do të performojë shfaqjet e tij të fundit në Australi, Zelandën e Re, Evropë dhe Britaninë e Madhe.
Një dokumentar i ri për të është gjithashtu në punë e sipër.
