YouTube ka premtuar se do të fshijë të gjitha videot keqinformuese mbi vaksinat e Covid-19, si pjesë e një përpjekjeje të re për të luftuar keqinformimet. Platforma më e madhe e video-ve, ka pohuar se çdo video që bie ndesh me konsensusin e ekspertëve të autoriteteve shëndetësore, do të hiqet nga rrjeti. Kjo pason një njoftim të Facebook-ut, që tha se do të ndalonte reklamat që dekurajojnë njerëzit për vaksinimin. Sidoqoftë, kufizimi nuk do të jetë i aplikueshëm për postimet e papaguara apo komentet. Youtube ka ndaluar më herët pretendimet mjekësisht të paqëndrueshme në lidhje me Covid-19 në platformën e tij.
