Tirana nuk është qarku me numrin më të lartë të të infektuarve për 100 mijë banorë. Epidemiologu Artan Simaku thotë se edhe Gjirokastra është njësoj. Në Tiranë janë afro 16 mijë të prekur me Covid-19 me një popullsi mbi 1 milion banorë, ndërsa në Gjirokastër numërohen mbi 5 mijë të prekur në një popullsi prej 150 mijë banorë.
”Gjatë 2 javëshit të fundit Tirana ka numrin më të lartë të të testuarve për shkak të numrit të lartë të popullatës, por në lidhje me incidencën dy javore Tirana kryeson si qark dhe pothuajse incidencë të njëjtë ka edhe qarku i Gjirokastrës. Incidencë për qarkun e Tiranës është 3500 raste për 100 mijë banorë, ndërsa për Gjirokastrën është 3487 për 100 mijë banorë. Te ndjekura nga qarku i Lezhës dhe Beratit”.
Epidemiologët thonë se kriteri kryesor për gjykimin e pandemisë janë shtrimet në spital. Në Shqipëri prej afro një muaji numri i personave që kanë nevojë për hospitalizim ka pësuar ulje. ”Kriteri kryesor për gjykimin e kurbës së pandemisë është nr i rasteve të shtruar në spital, ky është kriteri i gjykimit të pandemisë, sepse rastet mund të jenë edhe rate të lehta mesatare. Shtrimi në spital ka pësuar një rënie”.
