Rikonstruksioni i dy godinave në “Qytetin Studenti”, studentët akomodohen në një tjetër ambient

Të gjithë studentët, të cilët aktualisht janë të strehuar në godinat nr.4 dhe nr.14 në Rezidencën Studentore Nr.1, do të akomodohen po brenda “Qytetit Studenti”.

Bashkia e Tiranës do të strehojë studentët që jetojnë në këto dy godina në një godinë tjetër.

Ndërkohë rikonstruksioni do të nisë pasi të jenë sistemuar të gjithë në godinën e re.

Bashkia e Tiranës nisi rikonstruksionin e të gjtiha godinave në “Qytetin Studenti”, me qëllim përmirësimin e kushteve për studentët.

Gjithashtu, Bashkia e Tiranës subvencionon 50% të kostos së konvikteve për të gjithë studentët, si dhe jep abonenë e transportit falas për ta. Krahas dhomave me standarde, në godinat e rikonstruktuara, bashkia ka krijuar edhe biblioteka dhe salla leximi.