Rishikimi i ligjeve për emigracionin ishte një nga premtimet e presidentit amerikan Joe Biden, i cili u zotua se do të ndryshojë politikën “Amerika e Para” e ndjekur nga ish-administrata e Donald Trump. Biden nënshkroi tre urdhra ekzekutivë që kanë të bëjnë me pranimin e azilantëve në kufirin SHBA-Meksikë, imigracionin e ligjshëm dhe ribashkimin e familjeve.
“Unë do të nënshkruaj disa urdhra ekzekutivë për të forcuar sistemin e imigracionit duke u mbështetur në veprimet ekzekutive që bëra ditën e parë për të mbrojtur ëndërrimtarët dhe ndalimin e myslimanëve dhe për të menaxhuar më mirë kufijtë tanë. Kjo është ajo që ka të bëjë me tre urdhra ekzekutivë të ndryshëm. Unë nuk po bëj ligje të reja. Po eliminoj politikën e keqe”.
Urdhri i fokusuar në pranimin e azilantëve do të mandatojë një rishikim të Protokolleve të Mbrojtjes së Migrantëve, një program i diskutueshëm që shtyu 65,000 azilkërkues përsëri në Meksikë për të pritur seancat gjyqësore të SHBA-së.
