OBSH: Covid-19 nuk do të jetë pandemia e fundit. Të forcojmë kapacitetet

0 295

27 dhjetori do të jetë Dita Ndërkombëtare e Gatishmërisë Epidemike. Sot shënohet dita e parë e thirrur nga Asambleja e Përgjithshme e Kombeve të Bashkuara për parandalimin, gatishmërinë dhe partneritetin kundër epidemive. Në fjalimin virtual, drejtori i përgjithshëm i OBSH-së, Tedros Adhanom Ghebreyesus paralajmëroi se Covid-19 nuk do të jetë pandemia e fundit që do të njohë bota.

Nga ana tjetër, ai bëri thirrje se duhet të investohet në përgatitjen e kapaciteteve për t’u përballur me një pandemi të tillë. Sipas tij Covid-19 ka çoroditur botën duke lënë pasoja afatgjata për shoqëritë dhe ekonomitë e vendeve. Ai shtoi se bota duhet të mësojë nga e shkuara për të qenë më të përgatitur.

”Çdo përpjekje për të përmirësuar shëndetësinë do të dështojë nëse nuk adresohet pika kritike që bashkon humanët dhe kafshët, si dhe krizën ekzistenciale të ndryshimeve klimatike që po e bën tokën gjithmonë e më pak të banueshme. Historia na ka treguar se kjo nuk do të jetë pandemia e fundit e se epidemitë janë fakt i jetës. Investimet në shëndetin publik, me mbështetjen e të gjithë qeverive dhe shoqërive për një qasje të përbashkët për shëndetin (One Health), mund të garantojnë që fëmijët tanë dhe fëmijët e tyre të trashëgojnë një botë më të sigurt dhe më të qëndrueshme”, tha Tedros Adhanom.

Leave A Reply

Your email address will not be published.