LGBTIQ, Brukseli paraqet strategjinë e parë për barazi

0 283

“Nuk duhet të ketë vend në Bashkimin Evropian për urrejtje dhe diskriminim ndaj komunitetit LGBTIQ”. Kështu u shpreh Komisionerja Evropiane për Barazi, Helena Dalli, duke prezantuar së bashku me Zëvendës Presidenten për Vlerat, Vera Jurova, strategjinë e parë të Bashkimit për barazinë e lesbikeve, homoseksualëve, biseksualëve dhe transgjinorëve.

”Progresi drejt barazisë LGBTIQ është bërë vitet e fundit në BE, diskriminimi vazhdon dhe 43% ndjehen të diskriminuar, me krizën Covid-19 që ndërhyn për të përkeqësuar situatën”, shpjegoi Jurova. Sipas saj kjo strategji do të forcojë përpjekjet e përbashkëta për të siguruar që të gjithë të trajtohen në mënyrë të drejtë.

Plani përcakton një seri veprimesh të miratuara, përfshirë masat ligjore dhe financiare. Brukseli propozon të zgjerojë listën e krimeve të parashikuara nga BE, kjo për të mbuluar krime të frymëzuara nga urrejtja homofobike ose nxitje të urrejtjes homofobike dhe gjithashtu të shtyjë përpara legjislacionin për njohjen e familjeve ylber në situata ndërkufitare.

Leave A Reply

Your email address will not be published.