Ish-kryeministri britanik: Lufta do të përfundojë kur Putini të kuptojë se nuk mund të ketë sukses

Ish-kryeministri i Mbretërisë së Bashkuar Sir Tony Blair thotë se lufta në Ukrainë do të përfundojë vetëm kur Putini të kuptojë se ambiciet e tij të luftës nuk mund të kenë sukses.

Blair tha në një intervistë për BBC se ambiciet e tij origjinale të luftës janë shpërbërë, ukrainasit kanë treguar stoicizëm dhe trimëri të jashtëzakonshme, gjithashtu Perëndimi dhe NATO janë bashkuar.

“Shpresa e fundit e Putinit është që vendosmëria e Perëndimit të shpërbëhet”, tha ai.

Lordi Hague, ish-sekretari i jashtëm i Mbretërisë së Bashkuar, beson se përfundimi i luftës është i largët.

“E vërteta e tmerrshme është se historia është e mbushur me luftëra që zgjatën shumë vite më shumë nga sa pritej, ato bëhen një provë e qëndrueshmërisë, elasticitetit, e ekonomive, po aq sa manovra ushtarake, dhe kjo është ajo me të cilën jemi përfshirë tani në Ukrainë”.