SPAK ka shpallur në kërkim ndërkombëtar Klodian Zoton dhe Stela Gugallja, të cilët dyshohet se janë të përfshirë në aferën e inceneratorëve.
Zoto dhe Gugallja janë shpallur në kërkim pas arrestimit të ish-ministrit të Mjedisit Lefter Koka për aferën e inceneratorëve.
Sipas “News24”, Klodian Zoto dhe Stela Gugallja janë kërkuar brenda vendit nga Policia e Shtetit, por deri më tani nuk janë arritur të gjenden. Për këtë arsye Prokuroria e Posaçme SPAK ka kërkuar që ata të shpallen në kërkim ndërkombëtar, me dyshimet se mund të jenë larguar nga vendi.
Kujtojmë se për të dy pronarët e kompanive të lidhura me inceneratorët, Stela Gugallja dhe Klodian Zoto, GJKKO ka vendosur masën e sigurisë “Arrest me burg”.
