Shifra shqetësuese, 18 viktima dhe 801 raste të reja në 24 orë

0 297

Situata e Covid-19 në Shqipëri vijon që të jetë e rëndë. Sipas Ministrisë së Shëndetësisë, betejën nuk e kanë fituar 18 pacientë të prekur nga virusi vdekjeprurës. ”Me gjithë përpjekjet e mjekëve, në 24 orët e fundit, kanë humbur jetën 18 qytetarë me Sars-Cov2 pozitiv në spitalet Covid: 9 qytetarë nga Tirana, 3 qytetarë nga Fieri, 2 qytetarë nga Elbasan, 1 qytetar nga Tropoja, 1 qytetar nga Korça, 1 qytear nga Durrësi dhe 1 qytetar nga Kruja. Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve”,-informon Ministria e Shëndetësisë.

Nga ana tjetër, janë kryer 2.264 testime në 24 orët e fundit, prej të cilave 349 testime janë kryer për arsye depistimi dhe pozitivë kanë dalë 801 qytetarë. ”Rastet pozitive të konfirmuara në 24 orët e fundit janë identifikuar në këto bashki: 349 raste në Tiranë, 49 raste në Vlorë, 41 raste në Lushnje, 39 raste në Lezhë, 32 raste në Shkodër dhe Korçë, 31 raste në Tepelenë, 23 raste në Berat dhe Gjirokastër, 22 raste në Librazhd, 20 raste në Krujë dhe Mat, 16 raste në Durrës dhe Dibër, 15 raste në Tropojë, 10 raste në Has, 9 raste në Devoll dhe Kuçovë, 8 në Kukës, 7 në Malësi e Madhe, 6 raste në Elbasan dhe Mallakastër, 4 raste në Gramsh, 3 raste në Fier dhe Delvinë, 2 raste në Kavajë, Pukë, Bulqizë, 1 në Kurbin, Sarandë”,-thekson më tej Ministria e Shëndetësisë.

Lajmi i mirë është se në 24 orët e fundit janë shëruar 490 qytetarë, duke e çuar numrin e të shëruarve 20.974 që nga fillimi i epidemisë. Aktualisht në 4 spitalet Covid po trajtohen 483 pacientë, 35 në terapi intensive, 10 pacientë janë të intubuar. Ministria e Shëndetësisë dhe Mbrojtjes Sociale, i bën apel qytetarëve të shmangin çdo lloj grumbullimi, të kufizojnë kontaktet dhe lëvizjet e panevojshme, për të frenuar përhapjen e Covid-19.

”Ju rikujtojmë domosdoshmërinë për të respektuar rregullat e distancimit fizik, vendosjen e maskës në çdo ambient jashtë shtëpisë dhe kujdesin për higjienën. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për Covid-19. Urgjenca Kombëtare është 24/7 në shërbim 24/7. Telefononi 127 nëse dyshoni se jeni të prekur nga Covid-19 dhe për çdo urgjencë mjekësore”,-mbyll njoftimin Ministria e Shëndetësisë.

Statistika (04 Dhjetor 2020)

Raste të reja ditore 801
Të shëruar në 24 orë 490
Të shtruar në spitale 483
Humbje jete në 24 orë 18
Testime ditore 2.264
Testime totale 199.326
Raste pozitive 41.302
Raste të shëruara 20.974
Raste aktive 19.458
Humbje jete 870

Shpërndarja gjeografike e rasteve aktive sipas qarqeve

Tiranë 10503
Durrës 1315
Elbasan 799
Fier 1443
Korçë 987
Vlorë 963
Shkodër 868
Lezhë 739
Berat 651
Kukës 404
Dibër 247
Gjirokastër 539

Leave A Reply

Your email address will not be published.