Mbyllet votimi për zgjedhjet e pjesshme lokale/ Pjesëmarrje e ulët votuesish në gjashtë bashki

Zgjedhësit e Vorës, Shkodrës, Durrësit, Dibrës, Lushnjës e Rrogozhinës votuan sot në zgjedhjet e pjesshme lokale për të caktuar kryetarin e ri të bashkisë. 654.538 shtetas shqiptarë kishin të drejtën për të zgjedhur mes kandidatëve të PS-së, PD-së dhe koalicionit “Shtëpia e Lirisë”, por në qendrat e votimit pati një numër të ulët pjesëmarrësish

Ndërkohë, nuk ka ende njoftim zyrtar nga Komisioni Qendror i Zgjedhjeve nëse procesi i votimit është mbyllur në të gjitha qendrat e votimit.

Në të gjashta bashkitë, shifrat e pjesëmarrësve janë më të ulëta krahasuar me ato të një viti më parë, në zgjedhjet e përgjithshme të 25 prillit.