Forcat e Ndërhyrjes së Shpejtë kanë ushtruar kontrolle në shtëpinë e Ervis Martinaj në Fushë Kuqe të Kurbinit.
Ata kanë shkuar që në orët e para të mëngjesit me urdhër të Prokurorisë së Posaçme, SPAK për kontroll në funksion të dosjes hetimore “Plumbi i artë”.
Martinaj rezulton i zhdukur që prej 9 gushtit të këtij viti.
Ervis Martinaj është një prej personave më të njohur të botës së krimit në vend, i cilësuar një nga njerëzit më të rrezikshëm në Tiranë.
Ai akuzohet për vrasje dhe i dyshuar për disa ngjarje të rënda që kanë tronditur vendin.
Efektivi i policisë, Jeton Lami është lënë në burg me akuzën e shpërdorimit të detyrës, pasi u zbulua se ai kishte ndihmuar Martinajn.
Martinaj është parë në shoqërinë Lamit, para se të zhdukej pa lënë asnjë gjurmë në verën e këtij viti.