Procesi i integrimit të Shqipërisë në Bashkimin Evropian është diskutuar në takimin që ka pasur ambasadori i BE-së, Luigi Soreca me Sekretarin e Përgjithshëm në Ministrinë e Jashtme të Greqisë, Themos Demiris.
Përmes një postimi në Twitter, ambasadaroi Sorca thotë se Konferenca e Parë ndërqeveritare e Shqipërisë me BE-në duhet të mbahet sa më parë.
Ndërsa theksi vihet tek fokusi që duhet të ketë Shqipëria me reformat.
“Kënaqësi që takova Ambasadorin Themos Demiris, Sekretar i Përgjithshëm i @GreeceMFA.
Diskutuam mbi gjendjen e procesit të integrimit të Shqipërisë në BE. Konferenca e Parë Ndërqeveritare duhet të mbahet sa më shpejt të jetë e mundur.
Është e rëndësishme që Shqipëria të mbajë fokusin në axhendën e reformave dhe të përgatitet për bisedimet e pranimit“, shkruan Soreca në Twitter.
