Disa video të postuara së fundmi në TikTok tregojnë punëtorët e ndërtimit në Nju Jork duke shpalosur aftësitë e tyre në 300 metra lartësi.
Klipet e shkurtra janë postuar nga Marcos Valencia, i cili regjistron momente nga puna e tij dhe e kolegëve nëpër qiellgërvishtësit e Manhatanit dhe Bruklinit.
Në video, punëtori tregon edhe pamjen e frikshme dhe njëkohësisht spektakolare që kanë punëtorët kur ulin kokën poshtë.
Nga viti 2009 deri në vitin 2018, sipas të dhënave nga shteti i Nju Jorkut, 78 punëtorë ndërtimi kanë vdekur nga rënia nga lartësitë.
