Sulmet me raketa ruse vranë tre persona në qytetin jugor të Ukrainës, Kherson, ndërsa luftimet vijojnë të mbeten të ashpra në rajonin lindor të Donetsk, ku Rusia bombardoi sërish qytetin kyç të Vuhledar.
Presidenti Volodymyr Zelenskiy tha se Ukraina po përballet me një situatë të vështirë në Donetsk dhe ka nevojë për furnizime më të shpejta me armë dhe lloje të reja armatimi, vetëm disa ditë pasi aleatët ranë dakord t’i siguronin Kievit tanke të rënda beteje.
“Situata është shumë e vështirë. Bakhmut, Vuhledar dhe rajone të tjerë në rajonin e Donetskut ka sulme të vazhdueshme ruse. Rusia dëshiron që lufta të zvarritet dhe të shkatërrojë forcat tona. Kështu që ne duhet ta bëjmë kohën armën tonë. Ne duhet të përshpejtojmë furnizimet dhe të marrim armë të reja për Ukrainën“, tha Volodymyr Zelenskiy, President i Ukrainës.
Shtabi i Përgjithshëm i Ukrainës tha në një deklaratë se mbrojtësit ukrainas kishin zmbrapsur një sulm rus në Bakhmut, fokusi i ofensivës së Moskës në rajonin lindor të Donetskut dhe në disa qytete të tjera në rajonet Donetsk dhe Luhansk. Prodhuesi gjerman i armëve Rheinmetall ka deklaruar se do të rrisë prodhimin e municioneve të tankeve dhe artilerisë për t’i dërguar ato në Ukrainë dhe mund të fillojë prodhimin e raketave të shumta HIMARS në Gjermani. Sistemet HIMARS janë prodhuar aktualisht në Shtetet e Bashkuara dhe janë përdorur me efekt shkatërrues nga ushtria ukrainase.
Ministria e Jashtme e Rusisë ka publikuar një transkript të gjatë me ministrin e Jashtëm, Sergei Lavrov , në të cilin ai thotë se Rusia parashikon që Polonia dhe shtetet baltike mund të ndërpresin plotësisht lidhjet diplomatike. Javët e fundit, një sërë lëvizjesh kokë më kokë kanë bërë që Rusia dhe fqinjët e saj baltik të ulin marrëdhëniet e tyre diplomatike.
“Polonia dhe vendet baltike janë shtete ku ka kohë që po zhvillohet një fushatë e furishme rusofobike. Kohët e fundit, marrëdhëniet dypalëshe me këto vende janë degraduar në mënyrë katastrofike, ndërveprimi me to në të gjitha fushat është ngrirë dhe praktikisht është ulur në zero”, është shprehur Lavrov.
Ndërkaq përveç kërkesës për më shumë armë Ukraina dëshiron të anëtarësohet në BE brenda dy viteve. Kryeministri ukrainas, Denys Shmyhal për Politico është shpehur se dëshiron që vendi të anëtarësohet në një afat kohor i cili është shumë i shkurtër që BE-ja ka të ngjarë ta konsiderojë tepër ambicioze.
