Me qindra bare, restorante dhe klube nate qëndrojnë të mbyllur sipas një akti normativ të qeverisë për mos t’i kthyer ato në vatra transmetimi të Covid-19. Shoqata e Bareve, restoranteve dhe klubeve, e kanë mirpritur këtë vendim të qeverisë. Përmes një deklarate ata thonë se janë ekonomikisht të gjunjëzuar dhe kanë një kërkesë specifike që lidhet me orarin. Enri Jahaj, përfaqësues i kësaj shoqate thotë se për t’i rikthyer normalitetin këtyre bizneseve duhet edhe një ndihmë e mëtejshme shtesë nga qeveria.
