Shakira bën histori/Artistja e parë femër që thyen këtë rekord në Amerikën Latine

0 21

Shakira ka bërë histori në aplikacionin e ‘Spotify’ duke thyer rekordin si artistja latine më e dëgjuar e muajit duke e bërë kështu dhe këngëtaren e parë femër që e ka arritur ndonjëherë këtë sukses.

Që nga e hëna, Shakira ka gjithsej 68.7 milionë dëgjues mujorë, duke ia kaluar Bad Bunny-t , i cili më parë mbante titullin me 68 milionë dëgjues .

Shakira i falënderoi të gjithë fansat e saj nëpërmjet një deklarate në Twitter:

“Ndihem e përulur dhe mirënjohëse edhe pse jam vetëm një nga miliona gra atje që kanë kaq shumë për të thënë dhe ofruar. Gratë e të gjitha racave, moshave dhe kushteve. Faleminderit për besnikërinë dhe mbështetjen tuaj”, shkroi Shakira.

Rritja e dëgjuesve të Shakira-s vjen pas publikimit të hitit të saj të fundit, “BZRP Music Session #53”, i cili u ngjit në krye të top-listave.

Kënga theu gjithashtu rekordin e këngës së re latine më të ndjekur në histori në YouTube, me 82 milionë shikime në një periudhë 24-orëshe.Në këngën e saj Shakira tallet me ish-partnerin dhe lidhjen e tij të re, madje duke thënë se ajo ishte jashtë ligës së tij që në fillim me një tekst në spanjisht që përkthehet në, “Unë isha jashtë ligës suaj, kjo është arsyeja pse ju jeni me dikë si vetja juaj.”

Leave A Reply

Your email address will not be published.