Papa Françesku i ka përshkruar dy nga grupet e pakicave etnike të Rusisë, çeçenët dhe burjatët, si disa nga trupat “më mizore” që luftojnë në Ukrainë.
“Më mizorët janë ndoshta ata që janë nga Rusia, por nuk janë të traditës ruse, si çeçenët, burjatët e kështu me radhë”, tha Papa.
“Unë flas për një popull që është martir. Nëse keni një popull martir, keni dikë që e martirizon”, shtoi ai në intervistën për revistën jezuite America.
Çeçenët janë një grup etnik me origjinë nga Çeçenia në Rusinë jugore. Udhëheqësi, Ramzan Kadyrov, ka qenë kryesisht mbështetës i luftës në Ukrainë duke përfshirë, supozohet, dërgimin e djemve të tij për të luftuar atje.
Buryatët janë një grup etnik nga Siberia Lindore që kufizohet me Mongolinë.
Zëdhënësja e Ministrisë së Jashtme ruse Maria Zakharova mbrojti përbërjen etnike të Rusisë në kanalin e saj zyrtar Telegram.
“Ne jemi një familje me Buryatë, çeçenë dhe përfaqësues të tjerë të vendit tonë shumëkombësh. Dhe së bashku ne patjetër do të lutemi për Selinë e Shenjtë, secili në mënyrën e vet”, u shpreh Maria Zakharova.
