Meta takim me ambasadoren Kim: Diskutuam mbi bashkëpunimin e Partisë së Lirisë me SHBA

0 10

Kryetari i Partisë së Lirisë Ilir Meta ka zhvilluar ditën e sotme një takim me ambasadoren amerikane në vend Yuri Kim.

Meta bëri me dije se gjatë takimit u diskutua mbi bashkëpunimin e Partisë së Lirisë me SHBA, në interes të forcimit dhe intensifikimit të partneritetit strategjik midis Shqipërisë dhe SHBA-së.

Postimi i plotë:

“Sot mirëprita në selinë e Partisë së Lirisë Ambasadoren e Shteteve të Bashkuara të Amerikës, znj. Yuri Kim. Ishte kënaqësi të diskutonim hapur dhe në mënyrë konstruktive mbi bashkëpunimin e Partisë së Lirisë me SHBA, në interes të forcimit dhe intensifikimit të partneritetit strategjik midis Shqipërisë dhe SHBA, përmbushjes të detyrimeve tona si vend anëtar i NATO-s, si dhe reformave prioritare të përshpejtimit të integrimit europian të Shqipërisë dhe Ballkanit Perëndimor në BE”, shkruajti Meta në Facebook.

Leave A Reply

Your email address will not be published.