Braimllari: Ministri i Mbrojtjes së një vendi anëtar i NATO-s, po përdor çdo instrument për fushatë. Drejtorët e PS janë kapur gafil
Sekretari i Përgjithshëm i LSI, njëherësh edhe drejtues politik në Korçë, thotë se Ministri i Mbrojtjes së një vendi anëtar i NATO-s, po përdor çdo instrument për fushatën personale. Përmes një postimi në facebook, Braimllari thotë edhe se Niko Peleshi dhe kryeministri Edi Rama nuk dinë më se çfarë të bëjnë, sipas tij për humbjen që i pret më 25 prill. ”Hall i madh ju ka zënë, drejtorat tuaj janë kapur gafil dhe publikisht do demoskohen për t’ja bërë publike qytetarëve abuzimet që ju beni në emer të tyre. Kjo nuk mendoj se ështe fushatë denigruese por realiste”,-shkruan Braimllari.
Postimi i plotë
Të panikosur nga humbja e thellë që do kenë më 25 Prill, Rama dhe Peleshi nuk dinë më se çfarë të bëjnë.
Por ditët në vazhdim të gjithë do jeni dëshmitarë se si Ministri i Mbrojtjes së një vendi anëtar i NATO-s po përdor çdo instrument për fushatën e tij personale.
Hall i madh ju ka zënë, drejtorat tuaj janë kapur gafil dhe publikisht do demoskohen për t’ja bërë publike qytetarëve abuzimet që ju beni në emer të tyre.
Kjo nuk mendoj se ështe fushatë denigruese por realiste.
Apo jo Niko?
