Berisha: Komision hetimor për projektin e portit të Durrësit, instrument tjetër protesta

0 166

Teksa ka vijuar edhe sot në mbledhjen e Grupit Parlamentar të PD-së akuzat për projektin e portit të Durrësit, Berisha ka kërkuar që të ngrihet komision hetimor parlamentar për këtë çështje.

Ndër të tjera, gjatë fjalës së tij Berisha theksoi se ky projekt duhet dërguar në Gjykatën Kushtetuese, ndërsa shtoi se një tjetër instrument që opozita ka në dorë është protesta kundër asaj që e cilësoi grabitje të fuqishme.

“Edi Rama po vepron në mënyrë të rrufeshme për kalimin e ligjit për këtë marrëveshje, dhe ne në mënyrë të rrufeshme duhet të krijojmë komision hetimor parlamentar dhe duhet ta dërgojmë në gjykatën kushtetuese. Tjetër instrument që kemi në dorë, protesta e fuqishme kundër kësaj grabitje të fuqishme.

Është shumë e rëndësishme qytetarëve tu shpjegojmë çpo ndodh në kurriz të tyre, nuk kanë vlerë, por porti është pasuria më e vlefshme e vendit. Ndaj dhe ne duhet ta kundërshtojmë me të gjitha mjetet. Është një proces që lidhet gjithçka me largimin e Ramës si armik i betuar i votës së shqiptarëve. Tani ne natyrisht në diskutimin e buxhetit duhet të përgatisim amendamentet, të mbrojmë fuqishëm interesat e qytetarëve, e biznesit, të godasim me forcë çdo projektim të buxhetit për oligarkët, të lexohet me vëmendje dhe të kundërshtohet sepse gjithçka është ndihmë për pushtetin e krimit të Edi Ramës”, tha Berisha.

Leave A Reply

Your email address will not be published.