Bella Hadid shpallet “Modelja e Vitit” në një ceremoni gala

0 47

Ylli i pasarelave Bella Hadid është shpallur “Modelja e Vitit”. Ajo u vlerësua me çmimin në një nga eventet më të mëdha të kalendarit të modës.

Çmimi u prezantua nga modelja tjetër Ashley Graham.

Por Bella Hadid nuk ishte në gjendje të merrte çmimin e saj personalisht për shkak se “trupi i saj nuk e ka lejuar”, tha stilisti Carlos Nazario, i cili pranoi çmimin në emër të saj. Supermodelja ka folur publikisht për luftën e saj me sëmundjen Lyme dhe sfidat e shëndetit mendor.

Në një video-mesazh, ajo falënderoi agjentin e saj Luiz Mattos dhe nënën e saj Yolanda Hadid, si dhe ata që janë më pak të dukshëm në industri.

“Ju të gjithë, familja ime e modës, ishit ata që më treguat se kush mund të isha dhe më hapët sytë për gjërat që mund të bëja”, tha Hadid. “Dua ta ndaj këtë çmim me të gjitha modelet që shfaqen çdo ditë. E di që nuk është e lehtë. Unë jam një pjesë kaq e vogël e një vizioni të madh, dhe çdo person dhe çdo projekt është po aq i rëndësishëm sa tjetri. Ky çmim është për të gjithë ne.”

Pierpaolo Piccioli, i cili ka qenë drejtori kreativ i Valentino që nga viti 2016, mori çmimin Dizajneri i Vitit – një kategori që më parë përfshinte Denma të Balenciaga.

Leave A Reply

Your email address will not be published.